രക്ഷാകര്‍തൃ പരിശീലനം ആരംഭിച്ചു

പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായുള്ള രക്ഷാകര്‍തൃ പരിശീലനം  പുല്ലൂര്‍ പെരിയ പഞ്ചായത്ത് വാര്‍ഡ് മെമ്പറും ക്ഷേമകാര്യ സ്റ്റാന്റിങ്ങ് കമ്മിറ്റി ചെയര്‍മാനുമായ ശ്രീമതി.ബിന്ദു ഉദ്ഘാടനം ചെയ്തു.മദര്‍ പിടിഎ പ്രസിഡണ്ട് ശ്രീമതി ദേവിക അധ്യക്ഷത വഹിച്ചു.ഹെഡ്മിസ്റ്റ്രസ് ശ്രീമതി ഇന്ദിരാമ്മ സ്വാഗതം പറഞ്ഞു.സീനിയര്‍ അസിസ്റ്റന്റ് ശ്രീമതി ചന്ദ്രിക,അധ്യാപകനായ ശ്രീ.സുരേന്ദ്രന്‍ എന്നിവര്‍ ആശംസകള്‍ അര്‍പ്പിച്ചു.

 

19.1.2018 വെള്ളിയാഴ്ച എല്‍പി വിഭാഗം പരിശിലനം നടന്നു.എല്‍പി വിഭാഗം പരിശിലനത്തിന് അധ്യാപകനായ ശ്രീ ബിന്റോ രമേശും 22.1.2018നു നടന്ന യു.പി. വിഭാഗം പരിശിലനത്തിന് ശ്രീ.പി.ടി. രാജേഷും നേതൃത്വം കൊടുത്തു.രണ്ടു ബാച്ചുകളിലായി ഏതാണ്ട് 170 രക്ഷിതാക്കള്‍ പങ്കെടുത്തു.ബാക്കിയുള്ളവര്‍ക്ക് തുടര്‍ന്നുള്ള ദിവസങ്ങളില്‍ പരിശിലനം നല്‍കും.

പൊതു വിദ്യാഭ്യാസ സംരക്ഷണ യജ്ഞത്തിന്റെ ലക്ഷ്യങ്ങളും അതിന്റെ പ്രാധാന്യവും വിദ്യാലയം അന്താരാഷ്ട്രനിലവാരത്തിലേക്കുയരുമ്പോള്‍ രക്ഷിതാക്കളുടെ റോള്‍ എന്തായിരിക്കണമെന്നതുമാണ് പരിശിലനത്തിന്റെ ഉള്ളടക്കം.

Group discussion & Presentation

 

 

നടുവൊടിഞ്ഞ കുറുക്കന്‍

ഒന്നാം ക്ലാസുകാരുടെ ആവിഷ്ക്കാരം

ഒന്നാം ക്ലാസുകാര്‍ കഥയുണ്ടാക്കുന്ന തിരക്കിലാണ്.ദിവസവും ഓരോ കഥവീതം നിര്‍മ്മിക്കുന്നു..
ആദ്യം വാചികമായി.
എല്ലാവരും വട്ടിത്തിലിരിക്കുന്നു.ടീച്ചര്‍ കഥയുടെ തുടക്കം പറയുന്നു.കുട്ടികള്‍ കൂട്ടിച്ചര്‍ക്കുന്നു.അങ്ങനെ എല്ലാവരും ചേര്‍ന്ന് കഥ വികസിപ്പിക്കുന്നു…

അല്ലെങ്കില്‍ ഒരു ശബ്ദത്തില്‍ നിന്നായിരിക്കും കഥയുടെ തുടക്കം.ശബ്ദം കേട്ടപ്പോള്‍ എന്തുതോന്നി?ഈ ചോദ്യം കുട്ടികളെ കഥയിലേക്കു കൊണ്ടുപോകും.

അല്ലെങ്കില്‍ ഒരു കഥാപ്പാത്രമായി അഭിനയിക്കുന്നതിലൂടെ ആയിരിക്കും കഥ വികസിക്കുന്നത്..

അല്ലെങ്കില്‍ ഒരു ചിത്രത്തില്‍ നിന്ന്..

കഥ രൂപീകരിക്കപ്പെട്ടതിനുശേഷം 
അത് ഇംപ്രൊവൈസ് ചെയ്ത് അവതരിപ്പിക്കുന്നു.

കുട്ടികള്‍ മാറിമാറി വന്ന് കളിക്കും..
സംഭാഷണംവും മറ്റും കുട്ടികള്‍ തത്സമയം അവതരിപ്പിക്കും...

ശേഷം  കഥ എഴുതുന്നു..

 കോഴിയെ പിടിക്കാന്‍ ഏണിവച്ച് മരത്തില്‍ ക‍റിനോക്കിയതാണ് കുറുക്കന്‍.പക്ഷേ,പാവം വീണു പോയി.നടുവൊടിഞ്ഞ കുറുക്കന്റെ നടത്തം കണ്ടോ..