സുഹൃത്തേ,
നമ്മുടെ സ്ക്കൂള്‍ മുറ്റത്ത് നാം വീണ്ടും ഒരുമിച്ച് കൂടുകയാണ്.ഇത്തവണ നാം ഒന്നിക്കുന്നത് നമ്മുടെ വിദ്യാലയത്തെ മാറ്റിത്തീര്‍ക്കാനുള്ള വികസനപദ്ധതിക്ക് രൂപം നല്‍കാനാണ്.
ഈ വിദ്യാലയം നമ്മുടെ കുട്ടികള്‍ക്ക് ഇഷ്ടപ്പെട്ടതാകണം.അവര്‍ക്ക് പഠിക്കാനും വളരാനും വികസിക്കാനുമുള്ള ആധുനിക സൗകര്യങ്ങള്‍ ഇവിടെ വേണം.ലോകത്തിലെ ഏതൊരു രാജ്യത്തേയും കുട്ടികളെപ്പോലെ നമ്മുടെ കുട്ടികള്‍ക്കും ഏറ്റവും മികച്ച വിദ്യാഭ്യാസം ഇവിടെ നിന്ന് ലഭ്യമാക്കണം.
നൂറു വര്‍ഷം പൂര്‍ത്തിയാക്കാന്‍ തുടങ്ങുന്ന ഈ വിദ്യാലയമുറ്റത്ത് ചിലവഴിച്ച ബാല്യകൗമാരങ്ങളുടെ ദീപ്തസ്മരണകള്‍ മനസ്സില്‍ സൂക്ഷിക്കാത്തവരായി ആരും ഈ പ്രദേശത്ത് ഉണ്ടാകില്ല.നമ്മുടെ സ്വന്തം വിദ്യാലയത്തിനുവേണ്ടി ഒരിക്കല്‍കൂടി നമുക്ക് ഒരുമിച്ച് കൂടണം.ഒരു വിദ്യാലയം എങ്ങനെയായിരിക്കണമെന്ന നമ്മുടെ സ്വപ്നങ്ങള്‍ ഈ കൂട്ടായ്മയില്‍ പങ്കുവയ്ക്കണം.അഞ്ച് വര്‍ഷം കൊണ്ട് പൂര്‍ത്തിയാക്കാവുന്ന സ്ക്കൂള്‍ സമഗ്രവികസനപദ്ധതിക്ക് രൂപം നല്‍കണം.ഫിബ്രവരി 13 തിങ്കളാഴ്ച ഉച്ചയ്ക്ക് 2മണിക്ക് നടക്കുന്ന സ്ക്കൂള്‍ വികസനത്തിനായുള്ള ജനകീയ കൂട്ടായ്മ ബഹു.എം.പി.ശ്രീ.പി.കരുണാകരന്‍ ഉദ്ഘാടനം ചെയ്യുന്നു.ഈ കൂട്ടായ്മയിലേക്ക് താങ്കളേയും കുടുംബത്തേയും സാദരം ക്ഷണിച്ച് കൊള്ളുന്നു.
പി.ടി.എ പ്രസിഡണ്ട് /ഹെഡ്മാസ്റ്റര്‍
