കുട്ടികള്‍ക്കുള്ള ക്രിസ്മസ് സമ്മാനവുമായി ജയരാജന്‍ മാഷ് വന്നു

കുട്ടികള്‍ക്കുള്ള ക്രിസ്മസ് സമ്മാനവുമായി ജയരാജന്‍ മാഷ് വീണ്ടും വന്നു.ഇംഗ്ലീഷ് ഭാഷാപണ്ഡിതനും സ്റ്റേറ്റ് ഇന്‍സ്റ്റിറ്റ്യൂട്ട് ഓഫ് ഇംഗ്ലീഷിന്റെ മുന്‍ ഡയറക്ടറുമായ ഡോ.പി.കെ ജയരാജ് മുമ്പ് ഒരു തവണ സ്ക്കൂള്‍ സന്ദര്‍ശിച്ചിരുന്നു. അന്ന് പോകുമ്പോള്‍ ഒരു വാക്ക് തന്നിട്ടാണ് പോയത്.ഇനി വരുമ്പോള്‍  ലൈബ്രറി പുസ്തകങ്ങള്‍ കൊണ്ടുവരുമെന്ന്.മാഷ് വാക്ക് പാലിച്ചു.കൈ നിറയെ പുസ്തകങ്ങളുമായാണ് മാഷ് ഇത്തവണ വന്നത്.NBTപ്രസിദ്ധീകരിച്ച ഒന്ന്, രണ്ട് ക്ലാസിലെ കുട്ടികള്‍ക്കുള്ള,  മനോഹരമായ ചിത്രങ്ങളുള്ള ഇംഗ്ലീഷ്  പുസ്തകങ്ങള്‍..
സ്ക്കൂളിലെ ക്രിസ്മസ് ആഘോഷത്തിനിടെ കുട്ടികള്‍ക്ക് ലഭിച്ച ഏറ്റവും വിലപിടിപ്പുള്ള സമ്മാനം.നന്ദി ജയരാജന്‍ മാഷെ..

സ്ക്കൂളിലെ ക്രിസ്മസ് ആഘോഷം

 സ്ക്കൂളിലെ ക്രിസ്മസ് ആഘോഷം ഗംഭീരമായി.
എല്ലാക്ലാസുകളിലേക്കും ക്രിസ്മസ് അപ്പൂപ്പന്‍ സമ്മാനവുമായി വന്നു.അനുഗമിച്ചുകൊണ്ട് കരോള്‍ ഗായകസംഘവും.ഓരോ ക്ലാസിനും ഓരോ ക്രിസ്മസ് കേക്ക്.സ്ക്കൂള്‍ സ്റ്റാഫിന്റെ വകയാണ് കുട്ടികള്‍ക്കുള്ള കേക്ക്.

 വിവിധ ക്ലാസുകളിലെ കുട്ടികളുടെ നേതൃത്വത്തില്‍ പുല്‍ക്കൂടുകള്‍ ഉണ്ടാക്കി.
ക്രിസ്മസ്സ്-പുതുവത്സര ആശംസാകാര്‍ഡുകള്‍ തയ്യാറാക്കി.കാര്‍ഡുകള്‍ കുട്ടികള്‍ പരസ്പരം കൈമാറി.മനസ്സില്‍ എന്നെന്നും ഓര്‍മ്മിക്കാന്‍ മറ്റൊരു ക്രിസ്സ്മസ്സ് ആഘോഷംകൂടി.

 വിവിധ ക്ലാസുകളിലെ കുട്ടികളുടെ നേതൃത്വത്തില്‍ പുല്‍ക്കൂടുകള്‍

ക്രിസ്മസ്സ്-പുതുവത്സര ആശംസാകാര്‍ഡുകള്‍ 

കുട്ടികള്‍ക്ക് കൈത്താങ്ങായി ശ്രദ്ധ

കുട്ടികളുടെ പഠന പിന്നോക്കാവസ്ഥ പരിഗണിച്ചുകൊണ്ട് അവരെ മുന്നിലെത്തിക്കാന്‍ മൂന്ന്, അഞ്ച് ക്ലാസുകളില്‍ നടക്കുന്ന  പഠനപദ്ധതി ശ്രദ്ധയ്ക്ക് വിദ്യാലയത്തില്‍ തുടക്കമായി.

ക്ലാസിലെ മറ്റു കുട്ടികളെപ്പോലെ തനിക്കും പഠനത്തില്‍ മുന്നിലെത്തണമെന്ന്   ഏതു കുട്ടിക്കാണ് ആഗ്രഹമില്ലാതിരിക്കുക. അങ്ങനെ കഴിയാത്തതില്‍ അവന്‍‌ /അവള്‍ അനുഭവിക്കുന്ന പ്രയാസം വളരെ വലുതായിരിക്കും.ക്ലാസില്‍ അവര്‍ പിന്നോക്കം പോയത് ഏതായാലും കുട്ടികളുടെ കുറ്റം കൊണ്ടല്ല.  അവരുടെ പഠനവേഗത പരിഗണിച്ചുകൊണ്ട് പഠിപ്പിക്കാന്‍ കഴിയാത്ത അധ്യാപകരും വിദ്യാലയവും വീട്ടില്‍ നിന്നും കുട്ടികള്‍ക്കാവശ്യമായ പഠനപിന്തുണ നല്‍കാന്‍ കഴിയാത്തരക്ഷിതാക്കളും കുട്ടികളുടെ സാമൂഹ്യ സാമ്പത്തിക പിന്നോക്കാവസ്ഥയുമൊക്കെ അതിനുള്ള കാരണങ്ങളാണ്.

കുട്ടികളുടെ പഠന പിന്നോക്കാവസ്ഥ പരിഗണിച്ചുകൊണ്ട് അവരെ മുന്നിലെത്തിക്കാന്‍ മൂന്ന്, അഞ്ച് ക്ലാസുകളില്‍ നടക്കുന്ന പഠന പ്രവര്‍ത്തന പാക്കേജാണ് ശ്രദ്ധ.മലാളം,സയന്‍സ്,ഗണിതം,ഇംഗ്ലീഷ് എന്നീവിഷയങ്ങളില്‍ പിന്നോക്കം നില്‍ക്കുന്ന കുട്ടികളെയാണ് ഈ പദ്ധതി ലക്ഷ്യമിടുന്നത്. ഓരോ വിഷയത്തിനും എട്ടുമണിക്കൂര്‍ വീതമുള്ള പഠന പ്രവര്‍ത്തനങ്ങാണ് കുട്ടികള്‍ക്ക് നല്‍കുക.തുടര്‍ച്ചയായ നാലു ശനിയാഴ്ചകളില്‍ അഞ്ചുമണിക്കൂര്‍ വീതവും പ്രവൃത്തി ദിവസങ്ങളില്‍  മൂന്നു മണിക്കൂര്‍ വീതവും 

 വിദ്യാലയവും അധ്യാപകരും രക്ഷിതാക്കളും ഒത്തൊരുമിച്ച് പ്രവര്‍ത്തിച്ചാല്‍ മാത്രമേ നമുക്ക് ലക്ഷ്യം കൈവരിക്കാന്‍ കഴിയൂ.ദിവസവും കുട്ടി പഠിക്കുന്നവേളയില്‍ ഒന്നിച്ചിരിക്കാനും ആവശ്യമായ സഹായം നല്‍കാനും രക്ഷിതാക്കള്‍ സമയം കണ്ടെത്തണം.

കുട്ടികളെ സ്നേഹിച്ചുകൊണ്ട്,

തനിക്കും മറ്റുകുട്ടികളെപ്പോലെ പഠിക്കാന്‍ കഴിയുമെന്ന ആത്മവിശ്വാസം അവരില്‍ അങ്കുരിപ്പിച്ചുകൊണ്ട്,

പഠനത്തിന്റെ ഉയര്‍ന്ന തലത്തിലേക്ക് കുട്ടികളെ കൈപിടിച്ചുയര്‍ത്തിക്കൊണ്ട്,

നമുക്ക് ഒത്തൊരുമിച്ച് മുന്നേറാം...

വെള്ളിയാഴ്ച വൈകുന്നേരം  പി.ടി.എ പ്രസിഡണ്ട് ശ്രീ.വി രാമകൃഷ്ണന്‍ ശ്രദ്ധ പദ്ധതിയില്‍ ഉള്‍പ്പെട്ട രക്ഷിതാക്കളുടെ യോഗത്തില്‍ പദ്ധതിയുടെ ഔപചാരികമായ ഉദ്ഘാടനം നിര്‍വ്വഹിച്ചു.സ്ക്കൂള്‍ ഹെഡമിസ്റ്റ്രസ് ഇന്ദിരാമ്മ ടീച്ചര്‍ അധ്യക്ഷതവഹിച്ചു.മദര്‍ പി.ടി.എ പ്രസിഡണ്ട് ശ്രീമതി ദേവിക,സീനിയര്‍ അസിസ്റ്റന്റ് ശ്രീമതി ചന്ദ്രികടീച്ചര്‍ എന്നിവര്‍ ആസംസകള്‍ നേര്‍ന്നു.സ്റ്റാഫ് സിക്രട്ടറി ശ്രീ..പി.ടിരാജേഷ്,ശ്രീ..എം.എം.സുരേന്ദ്രന്‍ എന്നിവര്‍ രക്ഷികാക്കളുമായി സംവദിച്ചു.

 ഇന്ന് ശനിയാഴ്ച
അഞ്ചാം ക്ലാസ്
കളികള്‍ - കുട്ടികളുടെ ശ്രദ്ധയും ഏകാഗ്രതയും വര്‍ദ്ധിപ്പിക്കാനുള്ള രസകരമായ കളികള്‍ കുട്ടികള്‍ നന്നായി ആസ്വദിച്ചു.

 

മൂന്നാം ക്ലാസ്സ്

കുട്ടികള്‍ സംഘം തിരിഞ്ഞ് രൂപീകരിച്ച നിശ്ചല ദൃശ്യങ്ങള്‍

ജില്ലാ കലോത്സവത്തില്‍ കവിതാരചനയില്‍ അനുഷയ്ക്ക് ഒന്നാം സ്ഥാനം

ജില്ലാ കലോത്സവത്തില്‍ കവിതാരചനയില്‍ അനുഷയ്ക്ക് ഒന്നാം സ്ഥാനം
ചെമ്മനാട് ഹയര്‍ സെക്കന്ററി സ്ക്കൂളില്‍വെച്ച് നടന്ന കാസര്‍ഗോഡ് ജില്ലാ കലോത്സവത്തില്‍ മലയാളം കവിതാരചനയില്‍ അനുഷ എ ഗ്രേഡോടെ ഒന്നാം സ്ഥാനം നേടി.

ഏഴാം ക്ലാസില്‍ പഠിക്കുന്ന അനുഷ  നേരത്തെ വിദ്യാരംഗം കലാസാഹിത്യവേദിയും മറ്റും നടത്തിയ കവിതാരചനാ മത്സരങ്ങളില്‍ സമ്മാനം നേടിയിട്ടുണ്ട്.അഞ്ചാം ക്ലാസുമുതലാണ് അനുഷ കവിതയെഴുതാന്‍ തുടങ്ങിയത്.മുപ്പതോളം കവിതകള്‍ ഇതിനകം രചിച്ചിട്ടുണ്ട്.വായനക്കാരുടെ ഹൃദയത്തെ സ്പര്‍ശിക്കാന്‍ കഴിയുന്ന ഭാഷാപ്രയോഗമാണ് അനുഷയുടെ കവിതയുടെ മുഖമുദ്ര.കവിത മനോഹരമായി ആലപിക്കാന്‍കൂടി കഴിയുന്ന അനുഷ നല്ല ഒരു വായനക്കാരികൂടിയാണ്.പുല്ലൂരിലെ കുഞ്ഞികൃഷ്ണന്‍,പ്രീതി ദമ്പതികളുടെ മകളാണ് ഈ കൊച്ചുമിടുക്കി.

ജില്ലാകലോത്സവത്തില്‍ ഭരതനാട്യം,മോഹിനിയാട്ടം എന്നിവയില്‍ എ ഗ്രേഡ് നേടിയ കീര്‍ത്തന-ഏഴാം ക്ലാസ്സ്

 ദേശഭക്തിഗാനത്തില്‍ എ ഗ്രേഡ്

 Ananya,Anusha,Archana Madhu,Krishnaja,Sivada Murali,Aparna,Anusha

 

 

 

ഇനി ഈ ക്ലാസുമുറികളില്‍ ഐ.ടി.അധിഷ്ഠിത പഠനം

പുല്ലൂര്‍ സ്ക്കൂള്‍ അതിന്റെ  പുരോഗതിയില്‍ ഒരു നാഴികക്കല്ലു പിന്നിടുകയാണ്.ഇനി മുഴുവന്‍ ക്ലാസുമുറികളിലും പഠനം  ഐ.ടി.അധിഷ്ഠിതമാകും.സ്ക്കൂള്‍ ഹൈടെക്ക് പദ്ധതിയുടെ ഔപചാരികമായ ഉദ്ഘാടനം ഇന്ന് പുല്ലൂര്‍ പെരിയ പഞ്ചായത്ത് പ്രസിഡണ്ട് ശ്രീമതി.ശാരദ.എസ്.നായര്‍ നിര്‍വ്വഹിച്ചു.

ഈ പദ്ധതിയിലൂടെ എന്തൊക്കെ മാറ്റമാണ് ക്ലാസുമുറിയില്‍ വന്നത്?

• എല്ലാ ക്ലാസുമുറിയിലും ഇന്റര്‍നെറ്റ് കണക്ഷന്‍
• ഓരോ ക്ലാസിലും പ്രൊജക്ടര്‍,ലാപ്ടോപ്പ്,സ്ക്ക്രീന്‍,സൗണ്ട് സിസ്റ്റം
• ഐടി സാധ്യതകള്‍ ഉപയോഗപ്പെടുത്തിക്കൊണ്ട് ഓരോ പാഠത്തിന്റേയും വിശദമായ ആസൂത്രണം
• ഓരോ പാഠം പഠിക്കാനാവശ്യമായ ഡിജിറ്റല്‍ പഠന വിഭവങ്ങളുടെ ശേഖരം
• ഐടി ഉപയോഗവുമായി ബന്ധപ്പെട്ട് മുഴുവന്‍ അധ്യാപകര്‍ക്കും അവധി ദിവസങ്ങള്‍ ഉപയോഗപ്പെടുത്തിക്കൊണ്ട്  ഘട്ടംഘട്ടമായുള്ള തീവ്രപരിശിലനം

 ഐ.ടി.പഠനം ഫലപ്രദമാക്കാന്‍  ഇതോടെ സ്ക്കൂളില്‍ ഇപ്പോള്‍ 13 പ്രൊജക്ടറുകളും 17 ലാപ്ടോപ്പുകളുമുണ്ട്.നേരത്തെയുണ്ടായിരുന്ന കമ്പ്യൂട്ടറുകള്‍ കൂടാതെയാണ് ഇത്.സുസജ്ജമായ  ഐ.ടി.ലാബ് ഇപ്പോള്‍ പുല്ലൂര്‍ സ്ക്കൂളിന് സ്വന്തം.

ക്ലാസുമുറിയില്‍ ഐടി ഉപയോഗം കുട്ടികളുടെ പഠനത്തിന്‍റെ ഗുണമേന്മ വര്‍ദ്ധിപ്പിക്കും.പഠനത്തില്‍ പ്രയാസം നേരിടുന്ന കുട്ടികള്‍ക്ക് അത് ഏറെ ഗുണകരമാകും.
സ്ക്കൂള്‍ ഹൈടെക്ക് പദ്ധതിയുടെ ഉദ്ഘാടനം അതുകൊണ്ട് തന്നെ സ്ക്കൂള്‍ വിസനപദ്ധതിയുമുന്നോട്ടുപോകുന്ന നമ്മുടെ സ്ക്കൂളിന് പുത്തന്‍ ഉണര്‍വ്വ് പകരും.

 സ്ക്കൂള്‍ ഹൈടെക്ക് പദ്ധതിയുടെ  ഉദ്ഘാടനചടങ്ങില്‍ പി.ടി.എ പ്രസിഡണ്ട് വി.രാമകൃഷ്ണന്‍ അധ്യാക്ഷനായിരുന്നു.ഹെഡ്മിസ്റ്റ്രസ് ഇന്ദിരാമ്മ ടീച്ചര്‍ സ്വഗതം പറഞ്ഞു.പഞ്ചായത്ത് വിദ്യാഭ്യാസ സ്റ്റാന്റിങ്ങ് കമ്മിറ്റി ചെയര്‍മാന്‍ ശ്രീമതി.ബിന്ദു,ബേക്കല്‍ ബി.ആര്‍.സി പ്രോഗ്രം ഓഫീസര്‍ ശ്രീ.കെ.വി.ദാമോദരന്‍,ഐടി @ സ്ക്കൂള്‍ കോ ഓര്‍ഡിനേറ്റര്‍ ശ്രീ ശങ്കരന്‍,പൂര്‍വ്വ വിദ്യാര്‍ത്ഥി സമിതി പ്രസിഡണ്ട് ശ്രീ ബാലകൃഷ്ണന്‍,മദര്‍ പിടിഎ പ്രസിഡണ്ട് ശ്രീമതി ദേവിക എന്നിവര്‍ ആശംസകള്‍ നേര്‍ന്നു.സീനിയര്‍ അസി.ശ്രീമതി.ചന്ദ്രിക ടീച്ചര്‍ നന്ദി പറഞ്ഞു.

ഉപജില്ലാ സ്ക്കൂള്‍ കലോത്സവത്തില്‍ പുല്ലൂരിന് തിളക്കമാര്‍ന്ന വിജയം

70 പോയിന്റ് നേടി യു.പി.വിഭാഗത്തില്‍ രണ്ടാം സ്ഥാനത്ത്

രാവണേശ്വരം ഹയര്‍ സെക്കന്ററി സ്ക്കൂളില്‍വെച്ചു നടന്ന ബേക്കല്‍ ഉപജില്ലാ സ്ക്കൂള്‍ കലോത്സവത്തില്‍ 70 പോയിന്റ് നേടി സ്ക്കൂള്‍ രണ്ടാം സ്ഥാനം കരസ്ഥമാക്കി.ഏഴാം ക്ലാസിലെ കീര്‍ത്തന ഭരതനാട്യം മോഹിനിയാട്ടം എന്നിവയില്‍ A ഗ്രേഡോടെ ഒന്നാംസ്ഥാനം നേടി ഇരട്ട കിരീടം സ്വന്തമാക്കി.മത്സരത്തിലുടനീളം യു.പി.വിഭാഗത്തിലെ കുട്ടികള്‍ മികച്ച പ്രകടനമാണ് കാഴ്ചവെച്ചത്.കേവലം 4 പോയിന്റിന്റെ  വ്യത്യാസത്തിലാണ് സ്കൂളിന് കലാകിരീടം നഷ്ടമായത്.

കീര്‍ത്തന.S, ഏഴാം ക്ലാസ്

 ഭരതനാട്യം ,മോഹിനിയാട്ടം ഒന്നാം സ്ഥാനം A grade

അനുഷ.K ഏഴാം ക്ലാസ്സ്
കവിതാരചനയില്‍ ഒന്നാം സ്ഥാനം A grade,ഇംഗ്ലീഷ് പദ്യം ചൊല്ലല്‍ A grade 

അനന്യ.K ആറാം ക്ലാസ്സ്
ശാസ്ത്രീയ സംഗീതം രണ്ടാം സ്ഥാനം A grade  

 മലയാളം പദ്യംചൊല്ലല്‍ മൂന്നാം സ്ഥാനം  A grade

 ദേശഭക്തിഗാനം  ഒന്നാം സ്ഥാനം A grade,

സംഘഗാനം മൂന്നാംസ്ഥാനം  A grade

 Ananya,Anusha,Archana Madhu,Krishnaja,Sivada Murali,Aparna,Anusha

 ഈ വര്‍ഷം പുതുതായി ഏര്‍പ്പെടുത്തിയ ഇംഗ്ലീഷ് സ്ക്കിറ്റ് മത്സരത്തില്‍
രണ്ടാം സ്ഥാനം  A grade

 Swathilakshmi,Aswini,Abhinand

Skit Team

Abhinad TA,Swathilakshmi, Nandana,Aswini,Mushreefa,Adithya,Meera & Abhnand.K

പുസ്തകശേഖരണം വിജയത്തിലേക്ക്; രണ്ടുമണിക്കൂര്‍ കൊണ്ട് സമാഹരിച്ചത് 25000രൂപയുടെ പുസ്തകങ്ങള്‍

SSA യുടെ 'നല്ല വായന,നല്ല പാഠം,നല്ല ജീവിതം' എന്ന പരിപാടിയുടെ ഭാഗമായി നവംബര്‍ ഏഴാം തീയ്യതി നടത്തിയ പുസ്തകശേഖരണം ഫലം കണ്ടു.കുട്ടികളും രക്ഷിതാക്കളും അധ്യാപികമാരും പുല്ലൂര്‍ പ്രദേശത്തെ വീടുകള്‍ കയറിങ്ങിയപ്പോള്‍ ലഭിച്ചത് 450ല്‍പരം പുസ്തകങ്ങള്‍.ഇതിന്റെ മുഖവില ഏതാണ്ട് 25000രൂപയോളം വരും.

നവംബര്‍ 7 ചൊവ്വാഴ്ച ഉച്ചയ്ക്കുശേഷം മൂന്നുമണിക്ക് ആരംഭിച്ച സ്ക്വാഡു പ്രവര്‍ത്തനം  5 മണിക്ക് അവസാനിപ്പിച്ചപ്പോഴാണ് ഇത്രയും പുസ്തകങ്ങള്‍ ഞങ്ങള്‍ക്ക് സമാഹരിക്കാന്‍ കഴിഞ്ഞത്.എല്ലാ പുസ്തകങ്ങളും പുതിയവയാണ്.പഴയപുസ്തകങ്ങള്‍ തീരെയില്ലെന്നുതന്നെ പറയാം.കുട്ടികളുടെ നേത്യത്വത്തില്‍ ചിട്ടയായി നടത്തിയ പ്രരാംഭപ്രവര്‍ത്തനങ്ങളായിരുന്നു പരിപാടി വിജയത്തിലെത്തിച്ചത്.

എന്തൊക്കെയായിരുന്നു ആ പ്രവര്‍ത്തനങ്ങള്‍ ?പരിശോധിക്കാം.

ആറ് ഏഴ് ക്ലാസിലെ കുട്ടികളെ എട്ടു സ്വാഡുകളായി തിരിച്ചു.കുട്ടികളുടെ വീട് സ്ഥിതിചെയ്യുന്ന പ്രദേശത്തിനനുസരിച്ചായിരുന്നു ഇങ്ങനെ തിരിച്ചത്.ഒരു സ്ക്വാഡില്‍  പത്ത് കുട്ടികള്‍.രണ്ട് അധ്യാപികമാര്‍ക്കും സ്ക്വാഡിന്റെ ചുമതല നല്‍കി.

ഓരോ സ്ക്വാഡും തങ്ങളുടെ പ്രദേശത്ത് ഒരാഴ്ചമുമ്പേ പ്രചാര‌ണത്തിനിറങ്ങി.കുട്ടികളുടെ നേതൃത്വത്തില്‍ വീടുകള്‍ കയറിയിറങ്ങിയായിരുന്നു പ്രചാരണം.രാവിലെ സ്ക്കൂളിലേക്ക് വരുന്ന വഴിയും വൈകുന്നേരം സ്ക്കൂല്‍വിട്ട് വീട്ടില്ക്ക് പോകുന്നവഴിയുമാണ് കുട്ടികളുടെ പ്രചാരണപ്രവര്‍ത്തനം.'എന്റെ വിദ്യാലയത്തിന് എന്റെ വക പുസ്തകം'എന്ന തലക്കെട്ടോടെ നോട്ടീസുകള്‍ വിതരണം ചെയ്തു.കൂടാതെ സ്ക്കൂള്‍ ബ്ലോഗ്,വാട്ട്സ് ആപ്പ് എന്നിവ വഴിയും പ്രചാരണം നടത്തി.രക്ഷിതാക്കളുടെ സഹകരണവും അഭ്യര്‍ത്ഥിച്ചു.

 നവംബര്‍ 7 ചൊവ്വാഴ്ച ഉച്ചയ്ക്കുശേഷം മൂന്നുമണിക്ക് ആറ് ഏഴ് ക്ലാസിലെ കുട്ടികളും അധ്യാപികമാരും രക്ഷിതാക്കളും അടങ്ങുന്ന സ്ക്വാഡുകള്‍ ഗൃഹസന്ദര്‍ശനം നടത്തി.നാട്ടുകാരുടെ പ്രതികരണം ആവേശകരമായിരുന്നു.കുട്ടികള്‍ക്ക് നല്‍കാനായി അവര്‍ പുസ്തകങ്ങള്‍ വാങ്ങിവെച്ചിരുന്നു.ഒന്നോ രണ്ടോ പുസ്തകങ്ങള്‍.വാങ്ങിവയ്ക്കാന്‍ സൗകര്യപ്പെടാത്തവര്‍ രണ്ടു ദിവസത്തിനകം പുസ്തകം സ്ക്കൂളിലെത്തിക്കാമെന്ന വാക്കും തന്നു.ലഭിച്ച പുസ്തകങ്ങളില്‍ ഭൂരിഭാഗവും ബാലസാഹിത്യകൃതികള്‍തന്നെയായിരുന്നു.കുട്ടികള്‍ക്ക് വായിച്ച് ആസ്വദിക്കാന്‍ പറ്റുന്നവ.

യഥാര്‍ത്ഥത്തില്‍ പുസ്തകം സമാഹരിക്കാനുള്ള കുട്ടികളുടെ ഉത്സാഹമായിരുന്നു ഈ പരിപാടി വിജയത്തിലെത്തിച്ചത്.ചെറിയ ഒരു ശ്രമം വലിയ നേട്ടം കൊണ്ടുവരുമെന്ന നല്ല പാഠമാണ്  ഇതു ഞങ്ങള്‍ക്ക് സമ്മാനിച്ചത്.

സ്ക്കൂളില്‍ നിന്നും ട്രാന്‍സ്ഫറായിപ്പോയ പ്യൂണ്‍ സുജാത സംഭാവനയായി   3000രൂപയുടെ പുസ്തകങ്ങള്‍ അസംബ്ലിയില്‍വെച്ച് ഹെഡ്മിസ്റ്റ്രസിനെ ഏല്‍പ്പിക്കുന്നു.