പ്രൈമറി വിദ്യാഭ്യാസം പൂര്ത്തീകരിച്ചുകൊണ്ട് ഏഴാം ക്ലാസുകാര് ഇന്നലെ വിദ്യാലയത്തിനോട് വിടപറഞ്ഞു.ഈ വിദ്യാലയത്തില് ചെലവഴിച്ച ഏഴുവര്ഷങ്ങള് തങ്ങളുടെ ജീവിതത്തിലെ ഒരിക്കലും മറക്കാന് കഴിയാത്ത കാലഘട്ടമായിരിക്കുമെന്ന് കുട്ടികള് അനുസ്മരിച്ചു.
വികാരനിര്ഭരമായ യാത്രയയപ്പ് സമ്മേളനമായിരുന്നു ക്ലാസ് ടീച്ചര്മാരും കുട്ടികളുടെ ചേര്ന്ന് ഒരുക്കിയത്.ഏഴാം ക്ലാസിലെ അനുശ്രീയുടെ അധ്യക്ഷതയിലായിരുന്നു യാത്രയപ്പ് സമ്മേളനം ചേര്ന്നത്.അരുണിമ സ്വാഗതം പറഞ്ഞു.വിദ്യാലയത്തില് ചെലവഴിച്ച വര്ഷങ്ങളിലെ നല്ല ഓര്മ്മകള് ഏഴാം ക്ലാസുകാര് പങ്കുവെച്ചു.ഹെഡ്മാസ്റററും മറ്റ് അധ്യാപകരും ചടങ്ങില് ആശംസകള് നേര്ന്നു.ചായ സല്ക്കാരത്തിനുശേഷം എല്ലാവരും ചേര്ന്ന് ഫോട്ടോ എടുത്തു.