ഇത്തവണയും സ്ക്കൂളിലെ ഓണാഘോഷം പൊടിപൊടിച്ചു.ഒന്നാം ക്ലാസുമുതല് ഏഴാം ക്ലാസുവരെയുള്ള കുട്ടികള് അതാതു ക്ലാസില് പൂക്കളമൊരുക്കി പൂക്കളമത്സരത്തിനു തയ്യാറായി..ഓരോ ക്ലാസിലെയും പൂക്കളം ഒന്നിനൊന്ന് മെച്ചം.പിന്നീട് മാവേലിയുടെ എഴുന്നള്ളത്ത്.ക്ലാസുകളില് പൂക്കളം തീര്ക്കുന്ന കുട്ടികളെ സന്ദര്ശിച്ച്,അവരുടെ പൂക്കളം നോക്കിക്കണ്ട്,എല്ലാവര്ക്കും ഓണം ആശംസിച്ച്..
കുട്ടികള് ഓണപ്പാട്ടുകള് പാടിക്കൊണ്ടാണ് മാവേലിയെ എതിരേറ്റത്.
പിന്നീട് കളികള് ..
മിഠായി പെറുക്കല്,മുത്തുകോര്ക്കല്, ബലൂണ് പൊട്ടിക്കല്,വാട്ടര് ബോട്ടില് സ്നാച്ചിങ്ങ്,ബോള് പാസിങ്ങ്,കുപ്പിയില് വെള്ളം നിറയ്ക്കല്,വാലുപറിക്കല്,കസേരക്കളി...കുട്ടികള് ആഹ്ലാദത്തോടെ കളികളില് പങ്കുകൊണ്ടു.
മത്സരത്തിനുള്ള സമ്മാനം കണ്ടുനിന്നവരില് കൗതുകമുണ്ടാക്കി.നാട്ടില് വിളഞ്ഞ മത്തുനും കുമ്പളങ്ങയും പയറും വെണ്ടയ്ക്കയും ചീരയും..രക്ഷിതാക്കളുടെ സംഭാവനയാണ്.കൂടാതെ പഞ്ചസാര,വെല്ലം,പായസം മിക്സ്,അച്ചാര്,പപ്പടം..ഇങ്ങനെപോകുന്നു മറ്റു സമ്മാനങ്ങള്..ഓണ സദ്യയ്ക്കുള്ള വിഭവങ്ങള്..സ്ക്കൂളില് നിന്നും കിട്ടിയ സമ്മാനം കൊണ്ട് ഇത്തവണത്തെ ഓണസദ്യ പൊടിപൊടിക്കാം.
ഉച്ചയ്ക്ക് പി.ടി.എ ഒരുക്കിയ വിഭവസമൃദ്ധമായ സദ്യ.നിലത്തിരുന്ന് ഇല വെച്ചുള്ള ഊണ് കെങ്കേമം.
കുട്ടികള് ഏറെ സന്തോഷത്തോടെയായിരുന്നു സ്ക്കൂളില് നിന്നും പിരിഞ്ഞുപോയത്.
No comments:
Post a Comment