സ്ക്കൂള്‍ വികസനത്തിനായുള്ള പ്രാദേശിക കൂട്ടായ്മകളുടെ യോഗം ആരംഭിച്ചിരിക്കുന്നു.
പുല്ലൂരിലെ പത്ത് ചെറുപ്രദേശങ്ങളെ അടിസ്ഥാനപ്പെടുത്തി പത്ത് ജനകീയ കൂട്ടായ്മകളായിരുന്നു രൂപീകരിച്ചിരുന്നത്.മൂന്നു ജനകീയ കൂട്ടായ്മകളുടെ ആദ്യ യോഗങ്ങള്‍ ഇതിനകം കഴിഞ്ഞു.എടമുണ്ട,സ്ക്കൂള്‍പരിസരം,പുളിക്കാല്‍ എന്നിവിടങ്ങളിലെ കൂടിയിരിപ്പാണ് കഴിഞ്ഞത്.സ്ക്കൂള്‍ വികസനത്തിനായി തങ്ങളാല്‍ കഴിയുന്ന എല്ലാവിധ സഹായവും പിന്തുണയും ഓരോ കൂട്ടായ്മയും വാഗ്ദാനം ചെയ്തു.
ഓരോ യോഗത്തന്റേയും അജണ്ട ഇങ്ങനെയിരുന്നു...
- യോഗത്തിനെത്തിവരില്‍ നിന്നും പ്രദേശത്തെ പൊതുസമ്മതിയുള്ള ഓരാളെ കണ്ടെത്തി അധ്യക്ഷനാക്കും.
- സ്വാഗതം പറയുന്നത് കണ്‍വീനറായിരിക്കും.
- പി.ടി.എ.,മദര്‍ പി.ടി.എ പ്രസിഡണ്ട്,ഹെഡ്മാസ്റ്റര്‍,അതാതുപ്രദേശത്തിന്റെ ചാര്‍ജുള്ള അധ്യാപകര്‍ എന്നിവര്‍ യോഗത്തില്‍ പങ്കെടുക്കും.
- സ്ക്കൂള്‍ സമഗ്രവികസ പദ്ധതിയുടെ കരട് യോഗത്തില്‍ അവതരിപ്പിക്കും.
- അതുമായി ബന്ധപ്പെട്ട അഭിപ്രായങ്ങളും നിര്‍ദ്ദേശങ്ങളും മാറ്റങ്ങളും ചര്‍ച്ചചെയ്യുകയും ക്രോഡീകരിക്കുകയും ചെയ്യും.
- ചില പദ്ധതികള്‍ എങ്ങനെ നടപ്പാക്കാം എന്ന് ആലോചിക്കും.
- സാമ്പത്തിക സമാഹരണവും സ്പോണ്‍സര്‍ഷിപ്പും ആലോചിക്കും.പ്രദേശത്ത് ഇതിന് കഴിയുന്നവരുടെ-യോഗത്തില്‍ സന്നിഹിതരായവരുണ്ടെങ്കില്‍ അവരോട് ആലോചിക്കാനും വിദേശത്തും മറ്റും ജോലിചെയ്യുന്നവരുണ്ടെങ്കില്‍ അവരുമായി ബന്ധപ്പെടാനും യോഗത്തില്‍ നിന്നും തെരഞ്ഞെടുക്കുന്ന കമ്മിറ്റിയെ ചുമതലപ്പെടുത്തും.യോഗത്തിനെത്തിയ ക്ലബ്ബുകളുടേയും കുടുംബശ്രീകളുടേയും മറ്റും ഭാരവാഹികളും ഇതുമായി ബന്ധപ്പെട്ട ചര്‍ച്ചയ്ക്ക് നേതൃത്വം നല്‍കും.
- ഫെബ്രുവരി 13ന് നടക്കുന്ന സ്ക്കൂള്‍ വികസനസെമിനാറില്‍ സംഭാവനകളും സ്പോണ്‍സര്‍ഷിപ്പും പ്രഖ്യാപിക്കും.
നേരത്തെ തെരഞ്ഞെടുത്ത കണ്‍വീനര്‍,ജോ.കണ്‍വീനര്‍ എന്നിവരെ കൂടാതെ ചെയര്‍മാന്‍,വൈസ് ചെയര്‍മാന്‍ എന്നവരേയും യോഗത്തില്‍ നിന്നും തെരഞ്ഞെടുക്കും. കൂടുതല്‍ അംഗങ്ങളെ ഉള്‍പ്പെടുത്തി എക്സിക്യൂട്ടിവ് കമ്മിറ്റി വിപുലീകരിക്കും.സ്ക്കൂള്‍ വികസനപ്രവര്‍ത്തനങ്ങള്‍ക്ക് അതാതു പ്രദേശങ്ങളില്‍ നിന്നും നേതൃത്വം നല്‍കുന്നത് ഈ കമ്മിറ്റികളായിരിക്കും.
പ്രദേശം:പുളിക്കാല്‍
പ്രദേശം:പുല്ലൂര്‍ സ്ക്കൂള്‍ പരിസരം
പ്രദേശം:എടമുണ്ട
5-2-2017 Sunday
Udayapuram Junction at Friends Club
Keloth
At Anganvadi
Pullur Junction
No comments:
Post a Comment