മാര്ച്ച് 31 ന് നടന്ന ഈ വര്ഷത്തെ സ്ക്കൂള് വാര്ഷികവും പ്രീ-പ്രൈമറി ഫെസ്റ്റും വന് ജനപങ്കാളിത്തം കൊണ്ട് ശ്രദ്ധേയമായി.പ്രീ-പ്രൈമറിയിലെ പിഞ്ചു കുഞ്ഞുങ്ങളും എല്.പി,യു.പി. ക്ലാസുകളിലെ കുട്ടികളും ഒരുക്കിയ കലാവിരുന്ന് ആസ്വദിക്കാന് രക്ഷിതാക്കളും നാട്ടുകാരും സ്ക്കൂളിലേക്ക് ഒഴുകിയെത്തുകയായിരുന്നു.
പ്രശസ്ത സംഗീത അധ്യാപകനായ ശ്രീ.വെള്ളിക്കോത്ത് വിഷ്ണുഭട്ട് ആയിരുന്നു പരിപാടി ഉത്ഘാടനം ചെയ്തത്.മദര് പി.ടി.എ പ്രസിഡണ്ട് ശ്രീമതി.വി.ഗീത അധ്യക്ഷത വഹിച്ചു.സ്ക്കൂള് ഹെഡ്മാസ്റ്റര് ശ്രീ.വി.ഗോപി സ്വാഗതം പറഞ്ഞു.UNHS പുല്ലൂരിലെ ഹെഡ്മാസ്റ്റര് ശ്രീ.എം.എ.രാജു,ഗവ.ഐടിഐ പുല്ലൂരിലെ പ്രിന്സിപ്പാള് ജയചന്ദ്രന്.പി.കെ.,പി.ടി.എ വൈസ് പ്രസിഡണ്ട്,ശ്രീമതി.ചന്ദ്രിക ടീച്ചര് എന്നിവര് ആശംസകള് അര്പ്പിച്ചു.സ്റ്റാഫ് സിക്രട്ടറി ശ്രീ.രാജേഷ് മാസ്റ്റര് നന്ദി പറഞ്ഞു.
തുടര്ന്ന് കുട്ടികള് അവതരിപ്പിച്ച കലാപരിപാടികള് അരങ്ങേറി.
വൈകുന്നേരം ചേര്ന്ന സമാപന സമ്മേളനം ബേക്കല് ഉപജില്ലാ ഏ.ഇ.ഒ ശ്രീ രവിവര്മ്മന് ഉത്ഘാടനം ചെയ്തു.പി.ടി.എ പ്രസിഡണ്ട് ശ്രീ.വി.രാമകൃഷ്ണന് അധ്യക്ഷനായിരുന്നു.
ഈ വര്ഷം അക്കാദമിക കലാ-കായിക പ്രവര്ത്തനങ്ങളില് മികവു തെളിയിച്ച ഏതാണ്ട് 170 ഓളം വിദ്യാര്ത്ഥികള്ക്ക് ഏ.ഇ.ഒ ശ്രീ രവിവര്മ്മന് ഉപഹാരങ്ങള് നല്കി അനുമോദിച്ചു.
കുട്ടികളുടെ കരാട്ടെ പ്രകടനം
ഏഴാം ക്ലാസുകാരുടെ ഇംഗ്ലീഷ് ഡ്രാമ
ദഫ് മുട്ട്
ഗ്രൂപ്പ് ഡാന്സ്
ഇംഗ്ലീഷ് പെസ്റ്റുമായി ബന്ധപ്പെട്ട് ക്ലാസുമുറിയില് രൂപപ്പെട്ട ഉത്പ്പന്നങ്ങള് മരത്തണലില് പ്രത്യേക കൂടാരമൊരുക്കി പ്രദര്ശിപ്പിച്ചു.ഇത് രക്ഷിതാക്കളെ ഏറെ ആകര്ഷിച്ചു.
പരിപാടിയില് പങ്കെടുത്ത മുഴുവന് ആളുകള്ക്കും വിഭവ സമൃദ്ധമായ സദ്യ
No comments:
Post a Comment