എല്ലാ ക്ലാസുകളിലും പുസ്തകപ്രദര്‍ശനവും ക്ലാസ് ലൈബ്രറിയും
17.6.2017 ശനിയാഴ്ച്ച അവധി ദിവസമായിട്ടും സ്ക്കൂളിലെ മുഴുവന്‍ അധ്യാപകരും ഏഴാം ക്ലാസിലെ കുട്ടികളും സ്ക്കൂളില്‍ ഒത്തുകൂടി.വായനാ വാരാഘോഷത്തിന്റെ ഭാഗമായി ലൈബ്രറി പുസ്തകങ്ങള്‍ തരംതിരിക്കാനും പുതിയ കാറ്റലോഗ് നിര്‍മ്മിച്ച് ക്രമീകരിക്കലുമായിരുന്നു ഉദ്ദേശ്യം.ലൈബ്രറിക്ക് ആവശ്യമായ സ്ഥല സൗകര്യങ്ങള്‍ കുറവാണെങ്കിലും ഉള്ള സൗകര്യത്തില്‍ പുസ്തകങ്ങള്‍ നന്നായി ക്രമീകിരച്ചു.പുല്ലൂര്‍ പെരിയ പഞ്ചായത്തില്‍ നിന്നും 10000രൂപയുടെ പുസത്കങ്ങള്‍ പുതുതായി ലഭിച്ചു.പൂര്‍വ്വ വിദ്യാര്‍ത്ഥി കൂട്ടായ്മയുടെ വകയായി 5000രൂപയുടെ പുതിയ പുസ്തകങ്ങള്‍ സംഭാവനയായി കിട്ടി.ഈ വര്‍ഷം വായനാവാരാഘോഷം ഗംഭീരമാക്കാനാണ് വെള്ളിയാഴ്ച ചേര്‍ന്ന SRGയോഗത്തില്‍ തീരുമാാനിച്ചത്.എല്ലാക്ലാസുകളിലും ക്ലാസ് ലൈബ്രറികള്‍ കുട്ടികളുടെ നേതൃത്വത്തില്‍ പ്രവര്‍ത്തിക്കും,ഓരോ ആഴ്ചയിലും കുട്ടികളുടെ വായന വിലയിരുത്തും,വായനാ ക്വിസ്,വായനാ മത്സരം,പുസ്തകപ്രദര്‍ശനം,ചങ്ങമ്പുഴ കവിതകളുടെ ആലാപനം,വായനക്കാരുമായുള്ള അഭിമുഖം എന്നിവ നടക്കും.വിദ്യാലയത്തിലെ മുഴുവന്‍ കുട്ടികളേയും മികച്ച വായനക്കാരാക്കുക എന്നതാണ് നമ്മുടെ പ്രധാന ലക്ഷ്യം.
No comments:
Post a Comment