പതിവയ്ക്കലും ഗ്രാഫ്റ്റിങ്ങും ബഡ്ഢിങ്ങുമൊക്കെ ഈ ഏഴാം ക്ലാസുകാര്‍ക്ക് നന്നായി വഴങ്ങും.സയന്‍സ് ക്ലാസില്‍ ഇതിനുള്ള പ്രോയോഗിക പരിശീലനം കുട്ടികള്‍ നേടിക്കഴിഞ്ഞു.ഒരു വിദഗ്ധന്റേയും സഹായം ഇതിലവര്‍ക്ക് കിട്ടിയിട്ടില്ല.സയന്‍സ് ക്ലാസില്‍ ടീച്ചര്‍ കാണിച്ചുകൊടുത്ത ചില വീഡിയോകളാണ് കുട്ടികളെ ഇത്തരം പ്രവര്‍ത്തനങ്ങള്‍ സ്വയം ഏറ്റെടുത്ത് നടത്തുന്നതിലേക്ക് നയിച്ചത്.പിന്നീട് പലതവണ ചെയ്തുനോക്കി.പതിയെ കുട്ടികള്‍ ഇതില്‍ വിദഗ്ധരായി.സ്ക്കൂള്‍ കോമ്പൗണ്ടിലെ നെല്ലിയിലും മാവിലും റോസിലുമൊക്കെയാണ് പരിക്ഷണം.ഗ്രാഫിറ്റിങ്ങ് ചെയ്യാന്‍ കുട്ടികള്‍ തന്നെ നാടന്‍ മാവിനങ്ങളും മറ്റും മുളപ്പിച്ച് തൈകളുണ്ടാക്കിയാണ് ചെയ്തത്.
ഏഴാം ക്ലാസിലെ ഒന്നാം യൂണിറ്റായ 'മണ്ണില്‍ പൊന്നു വിളയിക്കാം' എന്ന പാഠത്തിലാണ് പതിവയ്ക്കലും ഗ്രാഫ്റ്റിങ്ങും ബഡ്ഢിങ്ങുമൊക്കെ കുട്ടികള്‍ക്ക് പഠിക്കാനുള്ളത്.ചെയ്ത കാര്യങ്ങള്‍ ചിത്രം വരച്ച് കുട്ടികള്‍ നോട്ട് ബുക്കില്‍ മനോഹരമായി രേഖപ്പെടുത്തുകയുണ്ടായി.
ഗ്രാഫ്റ്റിങ്ങ്
പതിവയ്ക്കല്‍
ബഡ്ഢിങ്ങ്
No comments:
Post a Comment