സ്ക്കൂള്‍ തല ശാസാത്ര-ഗണിതശാസ്ത്ര-സാമൂഹ്യശാസ്ത്ര പ്രവൃത്തിപരിചയ മേള ഒക്ടോബര്‍ 9 തിങ്കളാഴ്ച നടന്നു.കുട്ടികളുടെ പങ്കാളിത്തം കൊണ്ട് ശ്രദ്ധേയമായ മേളയില്‍ അവതരിപ്പിക്കപ്പെട്ട ഇനങ്ങള്‍ ശാസ്ത്ര-ഗണിതശാസ്ത്ര വിഷയങ്ങളില്‍ കുട്ടികളുടെ താത്പര്യവും ജിജ്ഞാസയും വിളിച്ചോതുന്നതായിരുന്നു.കുട്ടികള്‍ക്കുവേണ്ടി മുതിര്‍ന്നവര്‍ തയ്യാറാക്കിക്കൊടുക്കുന്നതില്‍ നിന്നും വ്യത്യസ്തമായി കുട്ടികള്‍ തന്നെയായിരുന്നു ഓരോ ഇനവും രൂപ കല്പന ചെയ്തതും നിര്‍മ്മിച്ചതും.ഇംപ്രൊവൈസ്ഡ് പരീക്ഷണങ്ങള്‍,സ്റ്റില്‍ മോഡലുകള്‍ ,വര്‍ക്കിങ്ങ് മോഡലുകള്‍,ഗണിത ചാര്‍ട്ടുകള്‍,ശേഖരണങ്ങള്‍ എന്നിവയില്‍ നിരവധി കുട്ടികളാണ് പങ്കെടുത്തത്.
ഇതോടനുബന്ധിച്ച് നടന്ന പ്രവ‍ൃത്തിപരിചയമേള കുട്ടികളുടെ കലാപരമായ കഴിവുകളുടെ മാറ്റുരയ്ക്കലായി മാറി.ചന്ദനത്തിരി നിര്‍മ്മാണം മുതല്‍ ചിരട്ടകൊണ്ടുള്ള ഉത്പന്നങ്ങളുടെ നിര്‍മ്മാണം വരെ വൈവിധ്യമാര്‍ന്ന ഇനങ്ങളില്‍ കുട്ടികളുടെ നല്ല പങ്കാളിത്തമുണ്ടായിരുന്നു.കുട്ടികള്‍ നിര്‍മ്മിച്ച ഉത്പന്നങ്ങളുടെ പ്രദര്‍ശനത്തോടെയായിരുന്നു മേള സമാപിച്ചത്.
പ്രവൃത്തിപരിചയ മേള
No comments:
Post a Comment