മാന്യരേ,
പുല്ലൂര് ഗവ.യു.പി.സ്ക്കൂളിലെ പി.ടി.എ.സ്ക്കൂളിന്റെ സമഗ്രമായ വികസനം ലക്ഷ്യം വെച്ചുകൊണ്ടുള്ള വിദ്യാലയ വികസന പദ്ധതിക്ക് രൂപം കൊടുത്തിരിക്കുകയാണ്.ഡിസംബര് പതിമൂന്നാം തീയ്യതി ഞാറാഴ്ച വിളിച്ചുചേര്ത്ത ഇടക്കാല പി.ടി.എ ജനറല്ബോഡി യോഗത്തില് മൂന്നുവര്ഷത്തെ കാലയളവിനുള്ളില് പൂര്ത്തിയാവുന്ന വിദ്യാലയ വികസന കാഴ്ചപ്പാട് സ്റ്റാഫ് സിക്രട്ടറി ശ്രീ.ടി.വി.രാജേഷ് അവതരിപ്പിക്കുകയുണ്ടായി.അക്കാദമികവും ഭൗതികവുമായ മേഖലകളില് മൂന്നു വര്ഷത്തിനുള്ളില് വിദ്യാലയത്തില് വരുത്താന് ഉദ്ദേശിക്കുന്ന ഗുണപരമായ മാറ്റങ്ങളായിരുന്നു വികസന കാഴ്ചപ്പാട് മുന്നോട്ട് വെച്ചത്.ശിശുസൗഹൃദ വിദ്യാലയ അന്തരീക്ഷം ഒരുക്കല്(കെട്ടിടങ്ങളുടെ പെയിന്റിങ്ങ്,പൂന്തോട്ടം നിര്മ്മിക്കല്,ഫലവൃക്ഷങ്ങള് നട്ടുപിടിപ്പിക്കല്)ഓരോ ക്ലാസുമുറിയും സ്മാര്ട്ട് ക്ലാസുമുറികളാക്കിമാറ്റല്,അസംബ്ലി ഹാളിന്റെ പണിപൂര്ത്തിയാക്കല്,പ്രീ-പ്രൈമറി കുട്ടികള്ക്ക് കളിസ്ഥലം ഒരുക്കല്,സ്ക്കൂള് ലൈബ്രറി വികസിപ്പിക്കല്,വിവിധ ക്ലബ്ബുകളുടെ പ്രവര്ത്തനം സജീവമാക്കല്,പെഡഗോഗി പാര്ക്ക് നിര്മമിക്കല്,നീന്തല്ക്കുളം തുടങ്ങി വിദ്യാലയത്തെ അന്താരാഷ്ട്ര നിലവാരത്തിലേക്കുയര്ത്തുന്ന
പ്രവര്ത്തനങ്ങളാണ് ആവിഷ്ക്കരിച്ചിരിക്കുന്നത്.
സ്ക്കൂള് വികസന കാഴ്ചപ്പാട് പി.ടി.എ ജനറല്ബോഡിയോഗം ഐകകണ്ഠേന അംകരിക്കുകയുണ്ടായി.പുല്ലൂര്-പെരിയ പഞ്ചായത്ത് പ്രസിഡണ്ട് ശ്രീമതി.ശാരദ എസ്.നായര് ഉദ്ഘാടനം ചെയ്ത യോഗത്തില് വാര്ഡ് മെമ്പര് ശ്രീമതി.ബിന്ദു,ബേക്കല് ഏ.ഇ.ഒ.ശ്രീ.രവിവര്മ്മന്,ബി.ആര്.സി.ട്രെയ്നര് ശ്രീ.രാധാകൃഷ്ണന് എന്നിവര് ആശംസകള് അര്പ്പിച്ചു.പി.ടി.എ പ്രസിഡണ്ട് ശ്രീ.വി.രാമകൃഷ്ണന് ചെയര്മാനും പി.കരുണാകരന് വൈസ്ചെയര്മാനും സ്ക്കൂള് ഹെഡ്മാസ്റ്റര് വി.ഗോപി കണ്വീനറുമായി കൊണ്ടുള്ള ഒരു
സ്ക്കൂള് വികന കമ്മിറ്റി യോഗത്തില് വെച്ച് രൂപീകരിച്ചു.ഈ കമ്മിറ്റിയുടെ നേതൃത്വത്തിലായിരിക്കും തുടര്ന്നുള്ള പ്രവര്ത്തനങ്ങള് മുന്നോട്ടുപോകുക.
ശിശുസൗഹൃദ വിദ്യാലയ അന്തരീക്ഷം ഒരുക്കല് എന്ന കാഴ്ചപ്പാടില് നിന്നുകൊണ്ട് 2016-17 വര്ഷത്തില് നടക്കുന്ന പ്രവര്ത്തനങ്ങള് താഴെ പറയുന്നവയാണ്.
- സ്ക്കൂളിലെ എല്ലാ ബ്ലോക്കുകളും പെയിന്റിങ്ങ്, ചിത്രങ്ങള് എന്നിവകൊണ്ട് മനോഹരമാക്കല്
- ഒരോ ക്ലാസ്മുറിയും സ്മാര്ട്ടാക്കുന്നതിന്റെ തുടക്കം എന്ന നിലയില് ക്ലാസുമുറിക്കകം പെയിന്റിങ്ങ്,ചിത്രങ്ങള് എന്നിവകൊണ്ട് മനോഹരമാക്കല്,ക്ലാസില് പ്രൊജക്ഷന് സംവിധാനമൊരുക്കല്,കുട്ടികളുടെ സൃഷ്ടികള് ഡിസ് പ്ലേ ചെയ്യാനുള്ള ബോര്ഡുകള് ഒരുക്കല്.
- അസംബ്ലി ഹാള് നവീകരിക്കല്.
- ജൂണ് മാസത്തോടെ ഫലവൃക്ഷങ്ങള് നട്ടുപിടിപ്പിക്കലും പൂന്തോട്ടം ഒരുക്കലും.
- സ്ക്കൂള് ടോയ് ലറ്റുകള് നവീകരിക്കലും ശുചിത്വം ഉറപ്പുവരുത്തലും.
- സ്ക്കൂള് ലൈബ്രറിയില് കൂടുതല് പുസ്തകങ്ങള് ശേഖരിക്കലും വികസിപ്പിക്കലും.
- ക്ലാസ് ലൈബ്രറിക്കുള്ള സൗകര്യങ്ങള് ഏര്പ്പെടുത്തിക്കൊണ്ട് അതിനെ ശക്തിപ്പെടുത്തല്
എല്ലാവരുടേയും സഹകരണവും പിന്തുണയും പ്രതീക്ഷിച്ചുകൊണ്ട്,
സ്ക്കൂള് വികസന കമ്മിറ്റി
No comments:
Post a Comment