ഒരുക്കം പരിപാടിയുമായി ബന്ധപ്പെട്ട് മെയ് 31ന് ഞങ്ങള്‍ വിദ്യാലയത്തില്‍ ഒത്തുചേരുകയുണ്ടായി-പിടിഎ,എസ്.എം.സി അംഗങ്ങളും സ്റ്റാഫും.വ്യക്തമായ ഒരു അജണ്ടയുടെ പുറത്തായിരുന്നു ഞങ്ങളുടെ യോഗം.ഈ വര്‍ഷത്തെ വിദ്യാലയം എങ്ങനെയായിരിക്കണം? അതിനുള്ള ഒരുക്കങ്ങള്‍ എന്തൊക്കെയായിരിക്കണം?ആദ്യത്തെ മൂന്നുമാസത്തെ പ്രവര്‍ത്തന കലണ്ടര്‍ എങ്ങനെയായിരിക്കണം?ഈ വര്‍ഷം വിദ്യാലയം ഏറ്റെടുക്കുന്ന,അധ്യാപക സംഗമത്തില്‍ അവതരിപ്പിച്ച തനതുപരിപാടിക്ക് എങ്ങനെ കൂടുതല്‍ വ്യക്തതയും സൂക്ഷ്മതയും വരുത്താം?
- പ്രധാനപ്പെട്ട ദിനാഘോഷങ്ങള്‍
- ദിനാഘോഷവുമായി ബന്ധപ്പെട്ട് നടക്കേണ്ടുന്ന പ്രവര്‍ത്തനങ്ങള്‍-പൊതുവായും ക്ലാസുതലത്തിലും
- യൂണിറ്റ് വിലയിരുത്തല്‍
- ക്ലാസ് പിടിഎ,പി.ടി. എ എക്സിക്യുട്ടീവ് യോഗം എന്നിവയുടെ തീയ്യതികളും അജണ്ടകളും
- ഓരോ ആഴ്ചയിലേയും ബേസിക്ക് ഗ്രൂപ്പുകളുടെ പ്രവര്‍ത്തനം
വായനയുടെ പൂക്കാലം
ഈ അക്കാദമികവര്‍ഷം അവസാനമാകുമ്പോഴേക്കും സ്ക്കൂളിലെ മുഴുവന്‍ വിദ്യാര്‍ത്ഥികളേയും മികച്ച വായനക്കാരാക്കുക(ആശയഗ്രഹണത്തോടെയുള്ള വായന) എന്ന ലക്ഷ്യംവെച്ചുകൊണ്ടുള്ളതാണ് ഞങ്ങളുടെ ഈ വര്‍ഷത്തെ തനതുപ്രവര്‍ത്തനം. 'വായനയുടെ പൂക്കാലം' എന്നു പേരിട്ടിരിക്കുന്ന പ്രവര്‍ത്തനത്തിന്റെ സൂക്ഷ്മതല ആസൂത്രണമായിരുന്നു അഞ്ചാം ഗ്രൂപ്പ് ചെയ്തത്.ഓരോ മാസത്തിലും നിശ്ചിത തീയ്യതിക്കകം പൂര്‍ത്തിയാക്കേണ്ട പ്രവര്‍ത്തനങ്ങളുടെ കൃത്യമായ വിശദാംശങ്ങള്‍ ഉള്‍ക്കള്ളുന്നതായിരുന്നു അവരുടെ പ്രവര്‍ത്തനങ്ങള്‍
ജൂണ്‍ രണ്ടാം തീയ്യതി വായനയില്‍ കുട്ടികളുടെ നിലവാരം തിരിച്ചറിയാനുള്ള പ്രീ-ടെസ്റ്റ്- ജൂണ്‍ ആറാം തീയ്യതി ഞാറാഴ്ച പുസ്തകക്ലിനിക്ക്-അമ്മമാര്‍,കുട്ടികള്‍,അധ്യാപകര്‍ എന്നിവരടങ്ങുന്ന സംഘം പുസ്തകം ബൈന്റുചെയ്യും.
- പുതിയ പുസ്തകങ്ങള്‍ വാങ്ങല്‍,ശേഖരിക്കല്‍
- വായനാവാരവുമായി ബന്ധപ്പെട്ട് ക്ലാസ് ലൈബ്രറിയുടെ ഉദ്ഘാടനം ക്ലാസ് ലൈബ്രറിയന്‍മാരെ തെരഞ്ഞെടുക്കലും പുസ്തകവിതരണം ആരംഭിക്കലും
- അതേ ആഴ്ചതന്നെ ഓരോ ക്ലാസിലും നൂറ് പുസ്തകങ്ങളെങ്കിലും displayചെയ്യാനുള്ള സൗകര്യമൊരുക്കല്‍
- എല്ലാ ആഴ്ചയിലും ഒരു ദിവസം വായനാക്കൂട്ടം-കുട്ടികള്‍ അവര്‍ വായിച്ച പുസ്തകം അവതരിപ്പിക്കുന്നു,ടീച്ചര്‍ ഒരു പുസ്തകം പരിചയപ്പെടുത്തുന്നു.
- കുട്ടികളുടെ വായനാ പുരോഗതി ക്ലാസിലെ ചാര്‍ട്ടില്‍ പ്രദര്‍ശിപ്പിക്കുന്നു
- മാസംതോറും ക്ലാസ് പിടിഎ യില്‍ കുട്ടികളുടെ വായനാ പുരോഗതി വിലയിരുത്തല്‍
- അമ്മമാരെ പങ്കെടുപ്പിച്ചുകൊണ്ട് വിവിധ ക്ലാസുകളില്‍ വായനയില്‍ പ്രയാസമുള്ളവരെ സഹായിക്കുംവിധമുള്ള വായനാക്കാര്‍ഡുകളുടെ നിര്‍മ്മാണം
- ഓരോ ടേമിലും കുട്ടികളേയും രക്ഷിതാക്കളേയും നാട്ടുകാരേയും പങ്കെടുപ്പിച്ചുകൊണ്ടുള്ള പുസ്തകച്ചര്‍ച്ച.
- കുട്ടികളുടെ വായനാക്കുറിപ്പുകളുടെ സമാഹാരം പുറത്തിറക്കല്‍
എസ്.ആര്‍.ജി ഫലപ്രദമാക്കന്‍
- എസ്.ആര്‍.ജി യോഗത്തിന്റെ അജണ്ട മുന്‍കൂട്ടി മെമ്മോ ആയി നല്കും.
- മാസത്തില്‍ രണ്ടുയോഗങ്ങള്‍ LP,UPപൊതുവായും രണ്ടുയോഗങ്ങള്‍ വെവ്വേറെയുമായി നടത്തും
- അധ്യാപകരുടെ കൂട്ടായ്മയില്‍ ഊന്നിയുള്ള പ്ലാനിങ്ങും യൂണിറ്റ് വിലയിരുത്തലും നടത്തും.
- മാസത്തില്‍ ഒരു എസ്.ആര്‍.ജിയില്‍ ടീച്ചിങ്ങ് മാന്വല്‍ sharingഉം മെച്ചപ്പെടുത്താനുള്ള ചര്‍ച്ചയും നടക്കും.
- ഓരോ മാസത്തിലും ക്ലാസില്‍ നടക്കുന്ന മികച്ച പ്രവര്‍ത്തനങ്ങള്‍ അവതരിപ്പിക്കാനുള്ള വേദിയാകും എസ്.ആര്‍.ജി.
- എസ്.ആര്‍.ജി ലീഡുചെയ്യാനുള്ള ചുമതല ഓരോരുത്തര്‍ക്കായി വീതിച്ചു നല്കും.
No comments:
Post a Comment